1 avril 2019
Inema Jeudi ap nan Festival liv kafou
Nan komin Kafou, sòti 16 Avril pou bout 1e Me 2019, Wonn Lekti ak Ekriti Repérage ap òganize Festival Liv Kafou. Inema Jeudi ap la!
Jeudinema se non vanyan ekriven-powèt Inema Jeudi ki fèt nan vil Jakmèl jou ki te 5 Dawout lane 1981 an. Jounalis seksyon kiltirèl televizyon nasyonal peyi Dayiti, Inema etidye Dwa, anplis li se anplwaye C3 edisyon.
Nan zèv li, Powèt Jeudinema totòt mo yo jouk li jwenn bon jan nekta ki tounen lank. Lank k ap denonse move sisitasyon k ap brase bil sosyete a.
M ap chache yon peyi nan zantray
Lonbray mwen
[...]
Yon peyi san bouki san malis
Kote libète pa antòche
Gouyad legede, paj 21
Rèv ak refleksyon otè a pwomenen sou yon makòn lòt tematik. Chak grenn powèm li se yon bay kou bliye pote mak sonje. Lektè a ka bliye ki jou l te li men kanta sa se sa, powèm nan ap kite mak li sou kè l wè pa wè.
Ki moun ki ka li epi pa pote mak ti pwezi a pandan tout lavi l
Loray s on kolonn bri fele
M te kwaze nan manifestasyon
Prèt pou trepase
Se pa alsiyis ki dènye nòt mizik
S on silans
Mwen avè w te fè
San powèm pou Castera youn pou Danbala, paj 52
Inema Jeudi, ekri plizyè liv ( Le Jeu d'Inema, Le temps des cerises, Gouyad Legede, Archelle, le poème de ton sein gauche, Krèy Bòbèch, San powèm pou Castera youn pou Dambala) epi li kontribye nan reyisit plizyè revi ( Do-kre-i-s, Demanbre ak lòt ankò). Imema ap san pou san chè san pou san zo nan Festival liv kafou.
Gabynho
leblancblondy@gmail.com
Publicité
Publicité
Commentaires